Komisioni Zgjedhor, i ngritur dy ditë më parë nga kryesia e Partisë Demokratike, ka përcaktuar kriteret që duhet të plotësojnë kandidatët për kryetar partie.
Komisioni i përbërë nga 7 anëtarë është mbledhur për të cituar pikën 4 të nenit 10 të Statutit të PD.
“Zgjedhja apo caktimi në funksione brenda Partisë bëhet bazuar në:- kohëzgjatjen e anëtarësimit në parti apo shfaqjes si simpatizant i saj; kontributit në fushata elektorale; kontributit profesional e politik në parti, si dhe në promovimin e vlerave themelore që udhëheqin PDSH-në; aktivizimit në jetën politike e publike të vendit; mbrojtjes në vazhdimësi të interesave, vlerave dhe programit të PDSH-së; si dhe reputacionit në radhët e anëtarësisë dhe/ose shoqërisë në tërësi”.
Çdo kandidat, që plotëson kriteret sa më sipër ka të drejtë të paraqesë kërkesën për konkurrim pranë Sekretarisë së Komisionit në PD duke plotësuar një formular që gjendet edhe online.
Kërkesa për kandidim duhet të paraqitet deri të shtunën e kësaj jave.
Deri tani, Fatbardh Kadilli ka shpallur zyrtarisht kandidaturën përballë kryetarit të PD-së, Lulzim Basha.
Zgjedhja e kryetarit do të bëhet sipas parimit ”një anëtar një votë”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.