.png)
Gazeta Si - Pep Guardiola nuk do të jetë në stolin e Mançester Sitit për dy ndeshjet e ardhshme kundër Shefilld Junajtid dhe Fulhem. Ai do të kthehet pas ndërprerjes së kampionatit për ndeshjet e kombëtareve.
Sipas një komunikate të Mançester Sitit, trajneri vuan prej kohësh nga dhimbjet e forta në shpinë dhe ka udhëtuar drejt Barcelonës për një ndërhyrje kirurgjikale urgjente te doktoresha Mireia Illueca. Ndërhyrja u krye me sukses dhe Guardiola do të qëndrojë për kohën e rehabilitimit në Barcelonë. Skuadra do të drejtohet nga zëvendësi i tij Juanma Lilo.
Pas Kevin De Bryjne, që kthehet në 2024-ën, dhe Xhon Stons jashtë deri në mes të shtatorit, Mançester Siti humb edhe trajnerin e tij. Faji është i problemeve në shpinë që trajneri katalanas ka pasur prej kohësh, por kohët e fundit situata ishte përkeqësuar, ndaj dhe ndërhyrja ishte e nevojshme.
Nëse programi i rikuperimit shkon mirë, Guardiola duhet të kthehet në stol kundër Uest Hemit, më 16 shtator. Skuadra i është besuar Lilos, i kthyer në Angli pas një sezoni në Katar, ku drejtoi Al Sad. Spanjolli 57-vjeçar e njeh mirë ambientin, pasi ka qenë zëvendëstrajner nga 2020-a deri në 2022-shin. Guardiola ka besim absolut tek ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
