Gazeta Si – Eros Grezda nuk është më lojtar i Partizanit. Aventura e tij me klubin e kuq është mbylur sor zyrtarisht. Lajmi është dhënë nga vetë klubi kryeqytetas, që nuk nuk jep arsye, por vetëm sqaron se ndarja është bërë me konsensus.
“Partizani njofton mbylljen e bashkëpunimit me Eros Grezdën. Sulmuesi 28-vjeçar dhe klubi kanë vendosur të ndërpresin me mirëkuptim kontratën mes palëve. Partizani falënderon Eros Grezdën për kontributin e dhënë gjatë kësaj periudhe me fanellën e kuqe”, - shkruhet në njoftimin e Partizanit.
Grezda u bashkua me kampionët në fuqi gjatë verës, në kohën kur trajner ishte kroati Zoran Zekiç, i cili e njihte mirë ish-futbollistin e Kombëtares, pasi ky i fundit ka luajtur në Kroaci. Gjatë kësaj periudhe sulmuesi anësor është aktivizuar pak, sepse ka pasur edhe dëmtime.
Ish-lojtari kuqezi erdhi në kampionatin shqiptar për të tentuar rilindjen me Partizanin, ashtu siç bëri pak a shumë Taulant Seferi me Tiranën. Ky i fundit ia arriti qëllimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.