Grevë në Itali në 15 korrik, mijëra fluturime kombëtare dhe ndërkombëtare në rrezik

Gazeta Si - Të shtunën e 15 korrikut (nesër), do të jetë një ditë shqetësimi për transportin ajror në Itali.

Sindikatat kanë shpallur grevë nga ora 10 deri në 18:00 të punëtorëve të sektorit, veçanërisht në sektorin e trajtimit, në mbështetje të mosmarrëveshjes për rinovimin e kontratës së punës, e cila ka skaduar për gjashtë vjet.

Sipas shtypit italian, në bazë të programimit orar, mbi një mijë fluturime nga Italia janë në rrezik - në rrugë kombëtare dhe ndërkombëtare - në tetë orët e grevës dhe duhet të përfshihen mbi 140,000 njerëz.

Protesta konfirmohet nga Autoriteti Kombëtar i Aviacionit Civil dhe tashmë ka sjellë anulimin e shumë fluturimeve.

Për shembull, Ita Airëays komunikoi anulimin e 133 nisjeve të planifikuara për ditën e 15 korrikut.

Si gjithmonë në këto raste, kompanitë e tjera nuk i kanë publikuar listat e anulimeve: në disa raste fluturimet janë shtyrë për disa orë për t'i futur brenda kufijve të garancisë, në raste të tjera udhëtarët janë kontaktuar drejtpërdrejt. Megjithatë, ENAC ka publikuar një listë të fluturimeve të garantuara edhe në ditët e grevës (LISTA).

Për shembull, fluturimet e anuluara përfshijnë aeroportin e Milanos, Linate dhe Romës, Fiumicino me kryeqytetet kryesore evropiane, si dhe rrugët për në Siçili.

Kompania “mëmë”, Ita Airëays njofton në shënim se ka aktivizuar një plan të jashtëzakonshëm për të kufizuar shqetësimin e pasagjerëve, duke riprenotuar numrin më të madh të mundshëm të udhëtarëve të përfshirë në anulimet në fluturimet e para të disponueshme: 40% do të mund të fluturojnë në të njëjtën ditë të grevës, siguron transportuesi.

Kompania nënvizon gjithashtu se kushdo që ka blerë një biletë për të udhëtuar më 15 korrik, "do të jetë në gjendje të ndryshojë rezervimin pa asnjë penalitet - në rast anulimi ose ndryshimi në kohën e fluturimit të tyre - ose të kërkojë rimbursim të biletës (vetëm në rast se fluturimi i të cilit është anuluar ose është vonuar me më shumë se 5 orë) deri më 22 korrik”.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.