.png)
Policia e Dibrës ka arrestuar një tjetër autor të grabitjes me armë të ndodhur në tetor të vitit 2019, në fshatin Grykë Nokë të këtij qarku, ku u mor një shumë parash.
Në pranga ka rënë 34-vjeçari nga Kukësi, V. S., i cili ishte shpallur në kërkim. Për grabitjen janë arrestuar më herët tre persona të tjerë.
Sç njofton policia, 34-vjeçari ishte shpallur në kërkim, pasi në bashkëpunim me persona të tjerë ( të cilët janë arrestuar më parë), kanë vjedhur nën kërcënimin e armës, një shumë parash në banesën e shtetasit I. H.
Për këtë shtetas Gjykata e Rrethit Gjyqësor Dibër ka caktuar masën e sigurisë “Arrest në burg”, për veprën penale “Përkrahje e autorit të krimit”, mbetur në tentativë.
Materialet procedurale i kaluan Prokurorisë Dibër për hetime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
