.png)
Policia e Korçës ka identifikuar dhe arrestuar brenda pak minutash autorin e vjedhjes në një zyrë për dhënie kredie.
Ngjarja ka ndodhur në lagjen nr.7 në një zyrë, ku personi duke kërcënuar personelin e zyrës me një thikë, dyshohet se ka marrë një sasi lekësh dhe më pas është larguar me shpejtësi.
Policia thotë se është vënë në pranga shtetasi Dh. D, 25 vjeç, banues në Korçë, i cili po lëvizte me shpejtësi në një rrugicë, në lagjen nr. 4 Korçë.
Në cilësinë e provës materiale, policia ka gjetur dhe sekuestruar edhe shumën prej 92.800 lekësh të reja dhe thikën me të cilën autori kërcënoi personelin për të marrë lekët.
Materialet do t’i kalojnë Prokurorisë, për veprime të mëtejshme, për veprat penale “Vjedhja me dhunë” dhe “Prodhimi, mbajtja, blerja apo shitja pa leje e armëve të ftohta”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
