.png)
Vetëm pak orë Borusia Dortmund shpresoi se do ta shkurtonte diferencën e pikëve me Bajernin, sepse “orteku” i golave të bavarezëve ndaj Eintraht Frankfurtit ktheu gjithçka si më parë, me skuadrën e Flik që kryeson me 61 pikë, e ndjekur nga ajo e trajnerit Favre me 57 pikë.
Borusia Dortmund fitoi pastër në fushën e Volfsburgut, 0-2, me gola të Guerrero dhe Hakimit. Po Bejerni u përgjigj me fitoren e thellë, 5-2 ndaj Eintrahtit të Frankfurtit. Realizuan për Bajernin Gorecka, Levandovski, Myler, Devis dhe në fund një autogol i Hintereger, i cili realizoi edhe dy golat e ekipit mik. Nga rezultatet e javës së 27-të të Bundesligës bie në sy fitorja e Bajer Leverkusen ën fushën e një rivali direkt si Borusia Mënshegladbah. Një sukses që e ngjit Leverkusenin në vend të tretë.
Imazhet kanë qenë të trishta në fakt, me stadiumet e boshatisura. Futbollistët nga ana e tyre këtë herë nuk i kanë rezistuar kënaqësisë së golit dhe nuk i kanë frenuar përqafimet mes tyre, diçka instiktive në futboll. Ndryshe nga java e kaluar, e para pas shkëputjes nga koronavirusi, këtë herë festimet e golit kanë qenë më natyrale, me përqafime thuajse në çdo fushë, edhe pse protokolli e ndalon, sepse ka rrezik infektimi.
Në fushë kanë zbritur edhe dy futbollistë të Kombëtares, Klaus Gjasula dhe Amir Abrashi, i pari titullar dhe i dyti si zëvendësues. Paderborni i Gjasulës barazoi 1-1 me Hofenhejmin, kurse Frajburgu i Abrashit u mund në shtëpi nga Verder Bremeni i Rashicës.
Ndeshjet e sotme
B.Mënshengladbah-Bajer Leverkusen 1-3
Frajburg-Verder Bremen 0-1
Paderborn-Hofenheim 1-1
Volfsburg-B.Dortmund 0-2
Bajern Mynih-Eintraht Frankfurt 5-2
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
