Nga Gazeta 'SI' - Euro ka arritur një minimum të ri kundrejt lekut dhe këmbehet me 100.27 lekë, sipas kursit zyrtar të Bankës së Shqipërisë.
Kjo është pika më e ulët që ka prekur monedha europiane, e cila prej javësh po rrokulliset pranë kufirit të 100 lekëve. Çmimi mesatar i shitjes së euros është 99.9 lekë dhe ai i blerjes 100.6, raporton BSH.
Para pak ditësh, Guvernatori i BSH, Gent Sejko, duke raportuar përballë Kuvendit pranoi se vetë Banka kishte ndërhyrë në kursin e këmbimit duke tërhequr disa miliona euro nga tregu.
Gjithsesi, Sejko theksoi se prurjet në euro që dobësojnë kursin janë në miliarda dhe është e pamundur të amortizohen nga Banka.
Në të njëjtin komision, Guvernatori pranoi se edhe paratë e krimit kanë ndikuar në dobësimin e euros.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.