Viktor Osimhen do të jetë blerja më e shtrenjtë e historisë së Napolit. Aurelio de Laurentis do të derdhë në arkat e Lilës shumën e 81 milionë eurove, gati dyfishi i 42 milionëve të shpenzuar vitin e kaluar për meksikanin Lozano. Një blerje rekord që do të finalizohet sot në Sardenjë, ku drejtuesit e Napolit ndodhen për të firmosur kontratën me 21-vjeçarin nigerian. Më pas vizitat mjekësore, ndërsa për të enjten është parashikuar zyrtarizimi i kësaj lëvizjeje.
Tashmë nuk ka më asnjë dyshim, Osimhen do veshë fanellën e Napolit. Sulmuesi ka pranuar ofertën e Napolit, nga e cila do të përfitojë 5 milionë euro në vit dhe këto janë shifra të rëndësishme për klubin e kaltër. Ky është një hap i madh përpara për nigerianin e datëlindjes 1998, që aktualisht fiton 800 mijë euro në sezon.
Sulmuesi luan në qendër, por edhe në krah, kështu që do t’i takojë trajnerit Gatuzo t’i gjejë pozicionin më adapt në fushë. Napoli u bind të shpenzojë 81 milionë euro, duke parë shpërthimin e nigerianit këtë sezon, ku ai shënoi 18 gola në 38 ndeshje. Lila bën kështu një tjetër shitje të madhe. Vitin e kaluar klubi francez shiti sulmuesi Pepè tek Arsenali për shumën e 80 milionë eurove, ndërsa tani përfiton 81 milionë euro nga Osimhen.
Burimi: Sportmediaset/ Përktheu: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.