.png)
Gazeta Si – Viti 2023 ka përfunduar për mesfushorin e Mançester Sitit, Kevin De Bryjne. Futbollisti belg është ndalur për dëmtim në dy ndeshjet e para të këtij sezoni, të cilët i ka nisur si titullar.
Problemi për një nga mesfushorët më të mirë në botë ka të bëjë me tendinën e gjurit dhe mjekët këtë herë e kanë këshilluar që të kryejë një ndërhyrje kirurgjikale për ta zgjidhur. Kjo do të thotë se koha e rikuperimit do të jetë relativisht e gjatë dhe De Bryjne duhet të presë vitin 2024 për të qenë sërish në fushë.
‘Qytetarët’ humbasin kështu një nga elementët kryesorë të formacionit. Trajneri Guardiola ndoshta për këtë arsye ka kërkuar me insistim nga klubi që të blejë brazilianin e Uest Hemit, Paketa. Dhe gjasat janë që kjo goditje të kryhet, duke parë kohën e gjatë të rikuperimit të De Bryjne.
Gjatë kësaj vere nga Mançester Siti është larguar edhe mesfushori gjerman, Ilkay Gyndogan, i cili ka kaluar te Barcelona, kurse Rijad Mahrez është transferuar në Arabi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
