.png)
Një grup që merrej me shpërndarjen e kokainës në qytetin e Elbasanit është goditur nga policia.
Kjo e fundit, thotë se pas pesë muajsh hetime, është finalizuar operacioni i koduar “Bulevardi”, në kuadër të së cilit janë vënë në pranga tre persona.
Të arrestuarit janë: Gezim Mama, 34 vjeç, Hekuran Halili, 44 vjeç dhe Simon Stefa, 54 vjeç, të tre banues në Elbasan.
Gjatë kontrollit të ushtruar në banesën e 54-vjeçarit S.S., policia gjeti dy armë zjarri pistoletë, një sasi fishkësh dhe një sasi lëndë narkotike kokainë e ndarë në doza.
Nga hetimet e kryera, rezulton se tre të arrestuarit merreshin me shpërndarjen e kokainës në qytetin e Elbasanit.
Materialet procedurale i kaluan për ndjekje të mëtejshme Prokurorisë pranë Gjykatës së Shkallës së Parë Elbasan, për veprat penale ‘Prodhimi dhe shitja e narkotikeve”, kryer në bashkëpunim dhe në ngarkim të shtetasit S. S., edhe për veprën penale "Armëmbajtja pa leje".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
