.png)
Komisioni i Pavarur i Kualifikimit ka konfirmuar në detyrë edhe gjyqtarin e Gjykatës Administrative të Shkallës së Parë, Gentjan Medja. Gjyqtari doli para trupës gjykuese ditën e hënë.
Në raportin e ILDKP-së, gjyqtari kishte sjellë raporte saktësie, pa fshehje dhe deklarime të rrema.
Edhe pas hetimit të thelluar të KPK-së, rezultoi se nuk kishte pasuri të paluajtshme të padeklaruara dhe pasaktësi në llogaritë bankare.
Për sa u përket hetimeve për figurën, DSIK raportoi se është i përshtatshëm, pasi nuk janë gjetur lidhje me persona të inkriminuar.
Kujtojmë se Medja e ka filluar karrierën si gjyqtar në vitin 2004 në Gjykatën e Rrethit Gjyqësor Shkodër dhe në vitin 2013 është transferuar në Gjykatën Administrative të Shkallës së Parë në Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
