Gjykata e Shkodrës ka dhënë masën e sigurisë “arrest me burg” për Safet Bajrin, i arrestuar më 22 shtator si pjesë e grupit kriminal “Bajri”.
Safet Bajri, anëtar i bandës “Bajri”, që u godit disa ditë më parë nga policia mbërriti paraditen e sotme nën masa të rrepta sigurie në Gjykatën e Shkodrës.
Gjykata ka vendosur të lërë në burg Bajrin në seancën e rivlerësimit të masës së sigurisë për akuzat në Belgjikë. Safet Bajri akuzohet për trafik droge e prostitucion nga autoritetet belge. 34-vjeçari nga Shkodra u largua nga Belgjika në qershor 2017, ndërsa u dënua me 22 vjet heqje lirie për tri akuza, përfshirë edhe atë të përleshjeve fizike me grupet rivale në kontrollin e zonave të shfrytëzimit të prostitucionit në Bruksel.
Pas marrjes së masës së sigurisë për akuzat nga Belgjika, Safet Bajri do të vijë në Tiranë për një tjetër seancë tek Krimet e Rënda.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.