.png)
Gazeta Si – Klubet e mëdha janë gjithmonë në gjueti të talenteve më të mëdha. Real Madrid dhe Mançester Siti janë së fundi në garë për një nga lojtarët më premtues të momentit, Jamal Musiala të Bajern Mynih. Nuk do të jetë e lehtë për t’ua rrëmbyer bavarezëve, por jo e pamundur.
Musiala, trekuartisti 20-vjeçar nuk ka në plan të largohet nga Bajerni për momentin, në të ardhmen ndoshta po. Sipas mediave gjermane, Real Madrid dhe Mançester Siti gjithsesi vazhdojnë ta ndjekin me shumë interes situatën e lojtarit të vitlindjes 2003 si një investim për të ardhmen.
Më e vështirë duket pista që do ta çonte Musialën te Liverpuli, ku trajneri Jurgen Klop do të dëshironte ta kishte në skuadër. Favorit për mesfushorin, edhe pse është ende herët, mund të konsiderohet Reali, të cilin është vështirë ta refuzosh. Pasi ka marrë nga Bundesliga Belingham, Reali tani kërkon një tjetër ‘xhevahir’ të këtij kampionati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
