Lajme

Gjonaj konfirmon shkarkimin e drejtorit të Hipotekës në Durrës

Pasi kryeministri Edi Rama e shkarkoi Live drejtorin e Hipotekës së Durrësit, Irdjan Iljazaj, vjen konfirmimi edhe nga Ministria e Drejtësisë.
Në një konferencë për shtyp, ministrja Etilda Gjonaj pohoi se kryeregjistruesi i Hipotekës së Durrësit bashkë me dy punonjës të këtij institucioni janë pushuar pas rastit të transmetuar në emisionin investigativ “Fiks Fare”.
“Për drejtuesin dhe dy punonjës të Hipotekës Durrës, është bërë verifikimi i rastit. Është shkarkuar drejtori i Hipotekës dhe dy specialistë të zonës 1 dhe 2. Kjo zyrë ka qenë në inspektim. Një ekip nga Tirana do të kryejë një hetim të thelluar të gjithë zyrës së Hipotekës. Do të largohen të gjithë punonjësit që janë në shkelje. Do të marrim të gjitha masat për të gjithë ata që shkarkohen sot. Do të ndërtojmë nga e para të gjithë zyrën vendore të Hipotekës së Durrësit. Zyrat Vendore kanë qenë dhe do jenë në qendër të vëmendjes për vazhdimin e ligjit. Vetëm për vitin 2018, janë marrë 283 masa disiplinore, të ardhura si rezultat i Task-Forcës antikorrupsion. Si drejtuese e Task-Force nuk do tolerojmë asnjë punonjës që sillet si drejtues i zyrave të shtetit, ose duke mos ushtruar përgjegjësitë ligjore”, u shpreh ministrja Gjonaj.


Copyright © Gazeta “Si”


Më Shumë