Policia ka gjobitur 729 qytetarë me nga 3 mijë lekë për mosmbajtje të maskës mbrojtëse në 24 orët e fundit.
"Si rezultat i këtyre kontrolleve, gjatë 24 orëve të fundit, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 729 qytetarë që janë konstatuar duke lëvizur pa maskat mbrojtëse", thuhet në njoftimin e policisë.
Ndër ta, 7 prej qytetarëve të gjobitur janë shoqëruar në komisariat pasi nuk kishin mjet identifikimi ose nuk e tregonin.
Bie në sy se sërish Policia nuk ka gjobitur asnjë qytetar për orën policore duke lënë të nënkuptohet se qytetarët e respektojnë rreptësisht 8 orarëshin e ”shtetrrethimit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.