.png)
Dosja për kryebashkiakun e Mallakastrës Qerim Imailaj, është kthyer mbrapsht nga Gjykata e Posaçme, e cila kërkon hetime shtesë nga SPAK.
GJKKO e riktheu dosjen për plotësim, pasi mungonin aktet e komunikimit të akuzës në shtetin fqinj të Greqisë. Ismailaj akuzohet se falsifikoi formularin e dekriminalizimit që kërkohet nga ligji për një funksionar publik.
Hetimet ndaj kryebashkiakut të Mallakastrës filluan me denoncim nga Partia Demokratike, ndërkohë që Prokuroria e Përgjithshme ka arritur në përfundimin se i zgjedhuri vendor ka qenë i dënuar me tre vite burg në Greqi.
Këtë fakt, sipas prokurorisë, Ismaili nuk e kishte deklaruar në formularin e dekriminalizimit. Sipas PD-së, Ismailaj ka kryer veprat penale të “Falsifikimi i vulave, i stampave ose i formularëve”, ku parashikohet një dënim deri në 4 vjet burgim. Por Ismailaj i mohoi këto akuza, ndërsa SPAK e mori të pandehur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
