Gazeta Si - GJKKO ka rrëzuar kërkesën e Sokol Mjacaj që kundërshtonte vendosjen në regjimin e posaçëm "41 Biss" në burgun e sigurisë së lartë.
Gjithashtu, Gjykata e Posaçme ka vendosur që shpenzimet gjyqësore do të jenë në ngarkim të Sokol Mjacajt.
“Kërkuesi, Sokol Mjacaj, më datë 03.01.2024 ka paraqitur pranë Gjykatës kërkesën me objekt: Kundërshtimin e udhërit Nr. 685, datë 15.12.2023 të Ministrit të Drejtësisë “Për vendosjen në regjimin e posaҫëm të ushtrimit të të drejtave në burgun e sigurisë së lartë të të burgosurit Sokol Mjacaj”.
Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, bazuar në nenet 112 dhe dhe 471 të K.Pr.Penale, me vendimin Nr. 25, datë 25.03.2024, vendosi: 1.Rrëzimin e kërkesës së kërkuesit Sokol Mjacaj. 2.Shpenzimet gjyqësore në ngarkim të kërkuesit”, njofton GJKKO.
LEXO EDHE:
- Arben Lleshit ia kishin bërë benë / Dy letra në Burgun e Peqinit se do ta helmonin. Shoku i qelisë Indrit Shaqja: 200 mijë € për kokën e tij
- Dëshmia e drejtorit të burgut, negociatat me Sokol Mjacajn pas vrasjes: Armën e fshehu në kutinë e qumështit (dhe mikesha që i sillte ushqime!)
Sokol Mjacaj u vendos në regjim të posaçëm pasi vrau Arben Lleshin dhe plagosi Indrit Shaqjen brenda burgut të Peqinit.
Të 11 zyrtarët e Burgut të Peqinit, të cilët u arrestuan pas vrasjes së Arben Lleshit nga Sokol Mjacaj, me akuzën e shpërdorimit të detyrës, janë liruar nga Gjykata e Apelit.
Mësohet se ndaj tyre janë caktuar masa më lehtësuese, si “arrest në shtëpi” dhe “detyrim paraqitje”. Arben Lleshi u vra me armë zjarri në burgun e Peqinit më 15 dhjetor të vitit të shkuar.
Mjacaj qëlloi me armë zjarri në ambientet e qelisë mbi Arben Lleshin, duke e lënë të vrarë, teksa ngjarja dyshohet të jetë e porositur nga persona të tjerë jashtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.