.png)
Berat Gjimshiti, Hateboer dhe Freuler janë gati për Atalantën për ndeshjen e parë në grup në Champions League. Trajneri Gasperini i kurseu në kampionat ndaj Napolit dhe skuadra e tij u ndëshkua me një humbje të thellë, kurse të mërkurën që të tre pritet të jenë në fushë nga minuta e parë.
Atalanta duhet të lërë pas krahëve humbjen e kampionatit, që ishte një tronditje e fortë, por në Europë do të jetë ndryshe. Në fushën e danezëve të Midtjyland, Gjimshiti me shokë duhet të kthehen ata të zakonshmit, pa e nënvlerësuar aspak kundërshtarin. Bergamaskët, pavarësisht ndeshjes së dobët në Napoli, kanë ide të qarta, entuziazëm dhe mbi të gjitha fizik.
Centimetrat dhe muskujt do të kushtëzojnë formacionin e trajnerit Gasperini të mërkurën dhe opsionet janë të limituara. Kaldara është i dëmtuar dhe në krahasim me ndeshjen e fundit, Romero do t’i lërë vendin Gjimshitit. Mbrojtësi kuqezi do të jetë titullar, bashkë me Toloin dhe Palominon, treshja klasike e Gasperinit në sezonin e fundit. Në të djathtë kthehet Hateboer dhe në qendër të mesfushës Freuler.
Dyshimet e Gasperinit janë vetëm për sulmin, ku Papu Gomez dhe Zapata janë të sigurt, ndërsa për lojtarin e tretë të këtij reparti ka një balotazh Muriel-Lamers. Atalanta i ka rigjetur pikat e forcës dhe në Europë pritet të tregojë nivelin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
