Treg

Të varfrit pinë më shumë birrë, të pasurit verë-Një leksion biznesi nga Afrika

Julie Wernau dhe Alexandra Wexler/WSJ-Në kontinentin më të varfër të botës dhe aty ku tregu i birrës rritet shpejt, kompanitë globale të birrës janë të detyruara të rikrijojnë veten.

Shumë afrikanë nuk mund të përballojnë birrat që kompanitë si Anheuser-Busch InBev NV, Heineken NV dhe Guinness ,Diageo PLC shesin në tregje të tjera. Kjo e shoqëruar me ndryshimet në çmimet e mallrave dhe me rrezikun e taksave të larta për birra premium që mund të kërcënojnë fitimet e qëndrueshme të këtyre kompanive, ka bërë që ato të përqafojnë çmime të ulëta për formula të përgatitura në nivel lokal që do të ishin të panjohura për shumicën e konsumatorëve perëndimorë.

Në Ugandë, jashtë një rruge të kuqe në periferi të Bugolobit të kryeqytetit ekonomik Kampala, klientët dynden në një pijetore që ka madhësinë e një ashensori mallrash dhe pinë birra të ngrohta me kriklla që shërbehen nga një fuçi 50 litroshe. Birra, të quajtura Senatori, prodhohen nga një njësi vendore e Diageo, krijuesit më të mëdhenj të pijeve në botë dhe shitet për rreth 1,700 shilinga Ugandan (46 centë amerikanë), ose afërsisht gjysmën e çmimit të birrës malto.

“Është birra më e famshme për biznesin tim këtu,” tha Florence Neeza, e njohur në Bugolobi si “Mama Keg.” Ajo shet rreth 10 fuçi të Senator në javë.

Sipas Bernstein Research, Diageo, së bashku me AB InBev, Heineken dhe Castel, 20% e të cilës është në pronësi të AB InBev, tashmë gjenerojnë 98% të fitimeve të birrës në rajon, të ndihmuar kryesisht nga blerjet e birrës lokale.

Sipas Bernstein, konsumi i birrës në Afrikë sot është më i ulti në botë, rreth10 litra birrë për frymë, krahasuar me 70 litra në Amerikën Veriore dhe Europën Perëndimore. Gjithsesi, ky është tregu shpërndarës më i shpejtë dhe më përfitues në krahasim me ekonomitë e tjera në zhvillim në Europën Lindore dhe Azinë. Ndërsa pijedashësit në Europë dhe Amerikë largohen nga birra duke iu drejtuar pijeve alkhoolike dhe joalkhoolike, rëndësia e Afrikës për kompanitë e birrës është në rritje.

Fuçitë presin të transportohen nga një qendër shpërndarjeje në Muranga, Kenia.  FOTO: ANDREW RENNEISEN 

Në një fundvit të rifreskuar në korrik, Presidenti i Diageo për Afrikën, John O’Keeffe, tha për investitorët se strategjia e kompanisë në kontinent ka qenë të prekë konsumatorët të cilët nuk mund ti lejojnë vetes të pinë markat e tyre kryesore. “Kjo na jep mundësinë të mbështetemi më pak në ritmin me të cilin klasa e mesme nxjerr në pah paqëndrueshmërinë ekonomike dhe më shumë në qasjen e mundësive këtu dhe tani,” tha z. O’Keeffe.

Megjithatë, tregu afrikan mbetet i paparashikueshëm për kompanitë shumëkombëshe që shpresojnë të ndërtojnë një biznes afatgjatë, thonë analistët Për disa kompani, birra e të cilëve është goditur nga pijedashësit më të varfër në kontinent, fatet e tyre janë fshirë shpejt nga defiçitet e monedhave dhe luhatjet në çmimet e lëndëve të para të lidhura me ekonomitë afrikane, të cilat shpesh varen shumë nga mallrat. Ulje-ngritje të tilla mund të ndikojnë në rezultatet e biznesit dhe xhepat e konsumatorit.

Në Angola, Bernstein vlerëson që volume i shitjes së birrës ka rënë më mshumë se 30% në tre vitet e fundit pasi ekonomia mori një goditje të madhe nga çmimet e dobëta për eksportet e naftës që çuan vendin të zhvlerësonte monedhën e saj. Për Diageo, rritjet e shitjeve në Gana u kompensuan nga rëniet në Kamerun për shkak të trazirave sociale dhe Etiopisë për shkak të paqëndrueshmërisë politike dhe zhvlerësimit të monedhës. Në Zimbabve, hiperinflacioni ka çuar në një mungesë birre, sepse kompanitë nuk ishin në gjendje të merrnin dollarë mjaftueshëm për të importuar materialet e paketimit.

Disa qeveri kombëtare, duke parë rritjen e popullaritetit të birrës, kanë rritur gjithashtu taksat, duke shtrënguar kompanitë të vendsoin nëse do ti absorbojnë kostot e larta apo do tua kalojnë atyre konsumatorëve, shumë prej të cilëve mezi mund të përballojnë një krijim të markës. Kjo i kthen përsëri pijedashësit në kompani të paligjshme, të cilat ende përbëjnë 60% të tregut në vendet e varfra afrikane.

Në 2014, vëllimet e shitjes së Senator ranë 75% në Kenia pasi birra pati një rritje prej taksës prej 46% tek konsumatorët për të kompensuar taksat qeveritare. Vitin pasues, qeveria shfuqizoi vendimin e saj, në vend që të rriste taksat mbi markat premium në treg që ishin më pak të ndjeshme ndaj çmimeve. Vëllimet e Senator u dyfishuan.

“Kur nuk keni para, do të pini formën më të lirë të alkoolit që mund të gjeni, birrë që fermentohet në një fuçi të vjetër të naftës, alkhool industrial me pak ngjyrë të shtuar, alkhool të distiluar nga banane”, tha analisti i Bernstein Research Trevor Stirling. “Të pish birrë marke, u tregon miqve të tu se ia ke dalë”

Sipas Deutsche Bank, Afrika mund të përbëjë 40% të vëllimit global dhe rritjen e fitimit për industrinë e birrës gjatë dekadës së ardhshme. Huadhënësi citoi përballueshmërinë si një çështje kyçe, pasi vetëm 15% e konsumatorëve në Afrikë aktualisht mund të përballojnë një birrë. Duke e përgjysmuar çmimin, pjesa e të rriturve që mund të përballojnë një birrë rritet nga 15% në 40%.

Evelyn Mbithe, bariste në View Hunter, duke marrë birrë nga një fuçi për pijedashësit në Kangema. FOTO: ANDREW RENNEISEN

“Në Afrikë ekziston një kulturë e zjarrtë birre, popullsia është shumë e re dhe nivelet e të ardhurave po rriten,” tha Babatunde Ojo, një menaxher i portofolit në Harding Loevner, që ka investuar në fabrikat afrikane. “Por çështja e çmimeve është shumë e rëndësishme.”

Në Bukele, një tjetër lagje me pluhur e Kampalës, Chibuku Shake Shake, e përbërë nga një njësi e AB InBev e prodhuar në periferi, është një pije popullore prej 1,500 shilinga Ugandan një shishe.

Dickens Tugume, një hidraulik që po fliste duke pirë një shishe Chibuku, tha se ai ndërroi markën dy vjet më parë për të ulur kostot personale.

“Me Chibuku, mund të përballoj disa shishe më shumë se më parë”, tha babai 31-vjeçar i dy fëmijëve, i cili pi tre deri katër birra në ditë.

Në Nigeri, kompanitë me shishe të kthyeshme si Satzenbrau shesin për 100 naira (28 cent). Në Ugandë, Ngule, një birrë e prodhuar me 95% të lëndëve të para lokale, është ulur për 2,200 shilinga Ugandan për një shishe gjysmë litri; dhe Eagle Lager, një birrë e pastër e prodhuar me lëndë lokale, shitet për 2,500 shilinga.*Sabina Veizaj

Një burrë me emrin  DJ Parto pi birrë Senator të marrë nga fuçi në Hunter’s View. Foto: ANDREW RENNEISEN 
 

Më Shumë