.png)
Gazeta Si – Në fundin e ndeshjes miqësore me Partizanin, trajneri Mourinjo thirri në stol francezin Auar, i cili u habit pak për momentin, sepse nuk bëhej fjalë për një zëvendësim. Ky gjest i portugezit ka marrë një interpretim ndryshe në Itali nga mediet sportive.
Prestigjiozja ‘Corriere dello Sport” shkruan për një motiv absurd në lidhje me uljen e Auar në stol. Në artikullin e saj shkruhet se lojtari u thirr për t’u mbrojtur nga shkelmat e Partizanit.
“Pak më shumë se 10 minuta para fundit trajneri Mourinjo thirri në stol Auar, pasi kishte pësuar shumë faulle, si Beloti, Spinacola dhe Çelik. Në vend të tij nuk u fut askush. Mourinjo, duke mos pasur më ndërrime në dispozicion, preferoi ta linte Romën me 10 vetë më mirë se ta humbiste lojtarin për dëmtim”, - shrkuan ‘Corriere dello Sport’.
Mourinjo në fakt bëri atë zgjidhje, sepse Partizani mbeti me 10 lojtarë. Preka u dëmtua dhe nuk kishte më lojtarë stol, përveç portierit të 3-të. Drejtuesit e kuq kërkuan që në fushë të rikthehej Bilali, i zëvendësuar më parë, por trajneri portugez bëri zgjedhjen tjetër, duke hequr një lojtar nga të tijtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
