Gazeta Si – Gjermanët janë në ankth për gjendjen shëndetësore të Franc Bekenbauer. Ish-kapiteni legjendar i kombëtares gjermane në fakt prej vitesh nuk është mirë, por së fundi ish-lojtari i tij, një tjetër legjendë, Lotar Mateus, ka pohuar se është përkeqësuar ndjeshëm.
"Le të urojmë që të kthehet ai Bekenbaueri që njohim të gjithë, plot energji – ka thënë Matesu për ‘Rtl’. – Shpresojmë të bëhet më mirë, ai vetë gjithmonë ka thënë se shëndeti është gjëja më e rëndësishme në botë. Për momentin ai nuk e ka, nuk është mirë dhe shpresojmë që kjo situatë të marrë kthesë për mirë".
Prej vitesh Bekenbauer, 78 vjeç më 11 shtator, nuk është në gjendje të mirë. Në 2016-ën dhe në 2017-ën ka bërë dy operacione në zemër, në 2019-ën pësoi një infarkt. Alarmi i fundit pak javë më parë, kur nuk mori pjesë në një takim, ku ishin të pranishëm gjithë delegacioni triumfues i Itali 1990. "Shumë e lodhshme për të", - kishte thënë bashkëshortja.
Tani fjalët e Lotar Mateus shqetësojnë sërish gjermanët dhe një komb i tërë lutet për ‘Kaiserin’ e vet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.