Gazeta Si – Një gol i Stojanoviç pak minuta para fundit të ndeshjes, ose më mirë një gafë e portierit Puja, të cilit i rrëshqiti topi nga duart, i ka dhënë fitoren Vllaznisë. Shkodranët kanë mundur sot Erzenin 0-1, duke marrë një trepikësh të rëndësishëm.
Ndeshja u luajtur në stadiumin e Rrogozhinës pati pak emocione. Vllaznia pretendoi për një penallti, por pas 7 minutash dhe me ndihmën e VAR-it, u gjykua se nuk kishim të bënim me një 11-metërsh.
Për skuadrën shkodrane ishte fitorja e pestë radhazi në kampionat, që e ngjit atë në vend të 4-t të tabelës së renditjes, 2 pikë para Tiranës.
Java e 20-të e Superiores luan sot edhe ndeshjen Partizani-Laçi, kurse Skënderbeu-Dinamo është shtyrë për shkak të motit të keq. Dy ndeshje u luajtën dje dhe konkretisht Teuta-Tirana 2-2 dhe Kukësi-Egnatia 1-4.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.