Gazeta Si - Futboll në fundjavë dhe në mesjavë. Në këtë fundviti nuk ka asnjë ditë pushim për skuadrat tona, që përveç impenjimit të ngjeshur në kampionat, kanë edhe kompeticionin tjetër, Kupën e Shqipërisë.
Luhen sot 8 ndeshje të fazës së 1/16-ve të Kupës së Shqipërisë, ku kualifikimi vendoset vetëm me një takim dhe jo me sistemin vajtje-ardhje. Në këtë tur marrin pjesë dy skuadra të Superiores, Dinamo dhe Skënderbeut, të tjerat vijnë nga Kategoria e Parë dhe e Dytë.
Dinamo dhe Skënderbeu kanë duele të lehta në letër, me kryeqytetasit që presin Orikun dhe korçarët Turbinën, dy kundërshtarë që vijnë nga dy nivele më poshtë.
Nga faza e 1/8-ve futen në garë edhe skuadrat e Superiores, ato që sezonin 2022-2023 u renditën nga vendi i parë në të tetin. Konkretisht janë Partizani, Tirana, Egnatia, Vllaznia, Laçi, Teuta, Kukësi dhe Erzeni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.