.png)
Shpejtësia mbi norma, xhamat e errët apo drejtimi i mjetit në gjendje të dehur kanë qenë disa shkelje që kanë çuar në arrestimin e 10 personave mbrëmjen e së premtes nga Policia Rrugore e Tiranës, e cila edhe gjatë fundjavës ushtrimin e kontrolleve në funksion të parandalimit të aksidenteve dhe verifikimit të kundravajtjeve administrative.Nga kontrollet e deritanishme, janë verifikuar dhe arrestuar në kushtet e flagrancës 10 persona, nga të cilët 8 për drejtim mjeti në gjendje të dehur dhe 2 të pa pajisur me leje drejtimi, thuhet në njoftimin e policisë.
Gjithashtu janë pezulluar 36 leje drejtimi, nga te cilat 25 për drejtim mjeti nën efektin e alkoolit dhe 11 të tjera për shpejtësi mbi normat e lejuara. Janë konstatuar dhe ndëshkuar 5 drejtues mjetesh për mos rregullim shpejtësie ne qendrat e banuara. Janë konstatuar dhe ndëshkuar 8 mjete për xhama të errësuar. Janë konstatuar dhe ndaluar administrativisht 16 mjete për detyrime administrative të pashlyera Si dhe janë vendosur 110 masa administrative për shkelje te tjera te rregullave te qarkullimit rrugor. Kontrollet do vazhdojnë pa ndërprerje, me qëllimin e vetëm, parandalimin e ngjarjeve rrugore me pasoja për jetën dhe shëndetin e përdoruesve te rrugës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
