Fukushima, Japonia do të nisë procedurën e derdhjes në det të ujit të kontaminuar

Gazeta Si – Japonia ka planifikuar të fillojë derdhjen e më shumë se një milion litra ujë në Oqeanin Paqësor të enjten nga centrali bërthamor i dëmtuar i Fukushimës, i cili u shkatërrua nga një cunami gjigant në vitin 2011.

Sipas Tokios dhe ekspertëve ndërkombëtarë, ky operacion është i sigurt, sepse uji është trajtuar më parë dhe procesi do të jetë jashtëzakonisht gradual. Por disa vende fqinje, veçanërisht Kina, janë të alarmuar.

Autorizimi për procedurën ishte dhënë nga paraardhësi i kryeministrit Kishida, Yoshihide Suga, në prill 2021.

Vendimi i qeverisë së Tokios është pritur me kundërshtime nga vendet fqinje, kryesisht Kina, e cila ka ndaluar disa importe ushqimore nga 10 prefektura japoneze dhe nga industria vendase e peshkimit, e shqetësuar për reputacionin e produkteve nga kjo zonë.

Edhe pse disa vende evropiane kanë hequr kufizimet në importet e ushqimeve nga Japonia, Kina ka prezantuar teste të rrezatimit të përgjithshëm mbi ushqimet e detit nga vendi fqinj, duke përkeqësuar më tej tensionet diplomatike me Tokion.

Guvernatori i Hong Kongut, John Lee, ka urdhëruar gjithashtu qeverinë e tij që "menjëherë" të zbatojë shkurtime në importet e disa produkteve ushqimore japoneze.

“Siguria e ushqimit dhe shëndeti publik në Hong Kong janë prioritetet kryesore të qeverisë së Hong Kongut”, shkroi Lee në Facebook.

"Unë udhëzova menjëherë departamentet përkatëse të qeverisë që të aktivizojnë masat e kontrollit të importit për të mbrojtur sigurinë ushqimore dhe shëndetin publik në Hong Kong".

Tashmë muajin e kaluar, afro 1000 serbatorë në vend ishin në 98% të kapacitetit të tyre, shpjegoi Tokyo Electric Poëer (Tepco), operatori i uzinës.

Korrikun e kaluar, Agjencia Ndërkombëtare e Energjisë Atomike (IAEA), vendosi se plani i ekzekutivit japonez është në përputhje me standardet globale të sigurisë dhe ka një "ndikim të papërfillshëm radiologjik mbi njerëzit dhe mjedisin".

Agjencia tha se do të mbajë një prani në fabrikë gjatë rishikimit dhe do të publikojë të dhëna që do të ndahen me komunitetin global, duke përfshirë ndjekjen në kohë reale të gjetjeve.

Vetë kryeministri japonez deklaroi se Japonia do të vazhdojë t'ua komunikojë planin banorëve dhe komunitetit ndërkombëtar "me një nivel të lartë transparence", duke minimizuar çdo dëmtim të reputacionit të zonës.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.