Vende dhe Udhetime

Fshati i akullt. Mirësevini në Villa Las Estrellas!

Ka një vendbanim në Antarktidë me një shkollë, një zyrë postare dhe disa shtëpi. Një vend i quajtur Villa Las Estrellas ose ndryshe Qyteti i Yjeve, ku gjithçka dominohet nga akulli dhe bora. Banorët e këtij vendi duhet të përballen çdo ditë me të ftohtin e tmerrshëm. Dhe kjo është e vetmja alternativë e këtyre banorëve për të mbijetuar. Spitali me vetëm tre mjekë bazë ndodhet rreth 1000 km larg  zonës.

Sergio Cubillos Alvarado, një komandant i forcave ajrore, është përballur me këtë sfide të madhe gjatë përditshmërisë së tij. Alvarado ka jetuar atje me gruan dhe djalin e tij, për më shumë se dy vjet. Ndërsa familja e tij herëpasherë fluturon për në Kili, ai ka qëndruar aty gjatë gjithë kohës.

“Moti është shumë i vështirë, ne nuk mund të dilnim nga shtëpia për disa jave, temperaturat arrijnë deri në -47C” thotë  Alvardo,. Megjithatë, Alvarado thotë se familja e tij përshtatet dhe gëzon aventurën e të qenit atje.

Prindërit detyrohen të shoqërojnë gjithmonë fëmijët e tyre për në shkollë pasi trashësia e borës që arrinë atje mund të bllokojë fëmijët në rrugë.


Copyright © Gazeta “Si”



Më Shumë