Franca ka shkatërruar dhe rikrijuar 27 milionë monedha pasi nuk i kishte kërkuar BE-së miratim të dizajnit dhe ata i thanë se nuk është brenda normës.
The Monnaie de Paris, prodhuesi i parave të vendit prodhoi 10, 20 dhe 50 cent në nëntor, por me vonesë kuptoi se mënyra si ishin vendosur yjet e flamurit të BE-së në monedha nuk përputheshin me kërkesat e Komisionit Europian.
Nën ligjin europian, vendet mund të ndryshojnë dizajnet e eurove kombëtare çdo 15 vite, por i duhet drita jeshile nga Komisioni dhe qeveritë e eurozonës.
Franca e kishte kontaktuar informalisht Komisionin para kërkesës formale, por prodhimi kishte nisur pa pritur “ok” e BE-së. Më pas KE i tha se dizajni i ri nuk përkon me rregullat.
Tani ka nisur një lojë e fajësimit midis Monnaie dhe qeverisë. Ministria e Ekonomisë atje tha se Monnaie është kompani publike e pavarur dhe jo pjesë e administratës. Kjo do të thotë që do ta përballonte vetë të gjithë koston e riprodhimit dhe jo buxheti me taksat e qytetarëve.
Dizajni i monedhave të reja tai është sekret dhe nuk bëhet publik deri në pranverë./Politico.eu
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.