Situata e përmbytjeve në bashkinë e Shkodrës si pasojë e reshjeve të dendura ka detyruar ndërhyrjen në terren të Forcave të Armatosura.
Sipas njoftimit për shtyp të Ministrisë së Mbrojtjes, janë evakuuar 2 familje në lagjen “Iliria” të qytetit të Shkodrës, për t’u strehuar në konviktin e Universitetit “Luigj Gurakuqi”.
U transportuan gjithashtu 150 krerë bagëti e imët nga lagjja e njohur si Livadhet pranë bregut të liqenit në qytetin e Shkodrës dhe rreth 2000 shpendë nga një fermë private, për t’i dërguar në fshatin Shirq.
Në fshatin Obot të njësisë administrative Ana e Malit vijon transporti i banorëve për nevojat e tyre të përditshme nëpërmjet mjeteve lundruese të mundësuara nga Ministria e Mbrojtjes.
Në gjithë qarkun e Shkodrës janë 5030 ha sipërfaqe totale e përmbytur, ndërkohë që ka prani të ujit në disa banesa në lagjet e qytetit dhe në njësitë Ana e Malit dhe Dajç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
