.png)
Që prej muajit nëntor të vitit të kaluar rruga Levan-Tepelenë mbetet bllokuar. Lëvizja drejt jugut në fillim u devijua përmes rrugës së vjetër që kalonte nga qytetit i Ballshit e cila është shumë e degraduar. Së fundi është bërë një devijim I ri nga rrëza e malit, paralel me rrugën. Por siç shikohet në fotografi rruga kryesore pranë fshatit Poçem, është ende e bllokuar nga rrëshqitja masive të gurëve.
Pas rrëshqitjes, Autoriteti I Rrugëve tha se do të ndërhyjë që ta zgjidhë përfundimisht këtë problem por kërkon më parë një studim të detajuar, pasi mali ka pësuar një thyerje të fortë tektonike.
ARRSh do të përdorë edhe paratë publike për të kryer këtë investim të ri megjithëse ky aks është dhënë për mirëmbajtje dhe paguhen para nga buxheti për kompaninë private “Salillari”.
Mbetet ende çuditshme se si për këtë ndërhyrje kërkohet një studim kur më parë studimi I fizbilitit dhe projekti për ndërtimin e rrugës duhet t’i ketë të gjitha të dhënat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
