Gazeta Si - Bilanci i viktimave në Hauai sa vjen e rritet nga dita në ditë. Numri i banorëve që kanë humbur jetën nga zjarret masive, që pothuajse shkatërruan një qytet në ishullin Maui, ka kaluar mbi 100.
Këtë e ka bërë të ditur guvernatori i arkipelagut amerikan të Hauait, Josh Green.
"Tani ka 101 jetë që janë humbur", tha Green në një fjalim televiziv, duke shtuar se ekipet e shpëtimit kanë mbuluar deri më tani pak më shumë se një të katërtën e zonës së kërkimit që duhet të mbulojnë.
Numri i të vdekurve, siç raportohet nga guvernatori i ishullit, nuk është ende përfundimtar, sepse "me siguri ka ende të zhdukur, por ne nuk jemi në gjendje t'i përcaktojmë saktësisht", njoftoi policia lokale.
Kushtet e erërave të forta dhe thatësirës vazhdojnë, të cilat nuk lehtësojnë përpjekjet për ndihmë.
Gjithnjë e më të forta janë edhe polemikat për mungesën e parandalimit dhe keqmenaxhimit të emergjencës, të cilat kanë çuar në hapjen e një hetimi zyrtar.
Bëhet fjalë për zjarret më shkatërruese në mbi një shekull të historisë së SHBA-së.
Qyteti i Lahaina, në bregun perëndimor të Maui, u përfshi pothuajse tërësisht nga flakët: mijëra ndërtesa u shkatërruan dhe shumë prej tyre u shndërruan në një grumbull hiri.
Në ish-kryeqytetin e mbretërisë së Hauait, i cili kishte 12,000 banorë, autoritetet kanë paralajmëruar tashmë se numri i viktimave nga zjarret mund të rritet ndjeshëm në ditët në vijim.
Të afërmit e personave të zhdukur po inkurajohen t'i nënshtrohen testeve të ADN-së për të ndihmuar në identifikimin e trupave, të cilët shpesh nuk njihen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.