.png)
Nga Gazeta ‘SI’- Fondi i Ndërhyrjes së Jashtëzakonshme për bankat tregtare në Shqipëri ka arritur nivelin e pothuajse 4.5 mld lekë, duke u shtuar me rreth 900 mln në muajin prill nga arkëtimi vjetor i 2022-shit. Fondi ka përmbushur më shumë se gjysmën e shifrës së vendosur me detyrim, 8 miliardë lekë brenda vitit 2027.
Paratë në të derdhen në raport vjetor, prej tashmë 6 vitesh dhe kjo është shuma më e lartë e raportuar në një vit. Fondi duhet të arrijë nivelin e synuar prej 0.5% të totalit të detyrimeve të sistemit bankar, të llogaritur si diferencë midis aktiveve totale dhe kapitalit rregullator të të gjitha bankave të licencuara në Republikën e Shqipërisë
Bankat paguajnë kontribute të rregullta vjetore, me qëllim plotësimin e nivelit të synuar të fondit, që mund të përdoret për likuiditet, për raste të jashtëzakonshme, për kompensim humbjesh etj.
Fondi administrohet nga Agjencia e Sigurimit të Depozitave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
