.png)
Ju ka ndodhur ndonjëherë t’ju thotë dikush që keni folur teksa keni qenë në gjumi, ose keni dëgjuar dikë të bëjë të njëjtën gjë? Për këtë ka një shpjegim.
E folura gjatë gjumit mund të nxitet nga stresi, çështjet e shëndetit mendor si depresioni, përgjumja ditore, abuzimi i substancave ose ethet.
Nëse vuani nga çrregullime të tjera të gjumit, siç janë: ankthi, apneja e gjumit dhe çrregullimi i sjelljes së gjumit, mund të keni më shumë gjasa të flisni gjatë gjumit.
Të flasësh në gjumë është vetëm një nga çrregullimet e gjumit.
"Sipas përvojës sime, të flasësh në gjumë mund të ndërlidhet me teprimin e stimulimit të sistemit nervor, që mund të jetë pasojë e përdorimit të tepruar të pajisjeve elektroniek të zgjuara para gjumit, ose teprimit të marrjes së kafeinës", tha Nerina Ramlakan, trapist i gjumit nga Britania e Madhe.
Profesor Jim Horn, ish-drejtor i Qendrës për Hulumtime të Gjumit në Universitetin Luborou, shpjegon se të folurit gjatë gjumit paraqitet gjatë “gjumit të lehtë”.
“Të folurit në gjumë nuk është i lidhur me ëndërrimin, por me gjumin e lehtë”, tha ai. Sipas tij, ankthi dhe stresi mund të përsëritin të folurit gjatë gjumit.
Por, a mund të pranosh tradhtinë në gjumë, të thuash të vërteta të cilat nuk i pranon me ndërgjegje të plotë e të zgjuar? Profesor Jim Horne, thotë që nuk duhet t’i stër-analizojmë ato që thuhen në gjumë.
E folura në gjumë ka tendencën të ndodhë gjatë gjumit të lehtë. Kalon nga i lehti në gjumë të thellë dhe pas 70-90 minutash, ndodh gjumi i ëndrrave, që përsëritet çdo 90 minuta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
