Pasi fituan të dy betejën më koronavirusin, Kryeministri britanik Boris Xhonson dhe e fejuara Carrie Symonds kanë njoftuar sot lindjen e një "fëmije të shëndetshëm".
Një zëdhënës i kreu te qeverisë britanike tha se Xhonson dhe Znj Symonds janë të entuziazmuar të njoftojnë lindjen e një djali të shëndetshëm në një spital në Londër këtë mëngjes.
“Symonds dhe i porsalinduri janë në gjendje shumë të mirë shëndetësore. Kryeministri dhe e fejuara e tij dëshirojnë të falënderojnë ekipin fantastik të maternitetit", tha zëdhënësi.
Xhonson, i cili ishte rikthyer në punë të hënë pasi u shërua plotësisht nga Covid-19, nuk do të marrë pjesë në mbledhjen e parë të kabinetit të tij pas kthimit në detyrë.
Xhonson dhe Symonds, ish shefja e komunikimit të Partisë Konservatore, njoftuan fejesën e tyre dhe lajmin se po prisnin një fëmijë në shkurt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.