Një 34-vjeçar është vënë në pranga, ndërsa dy të tjerë janë vënë nën hetim për shkak se akuzohen për trafik droge.
Sipas policisë së Fierit, në bashkëpunim me atë të Divjakës, është arrestuar në flagrancë T. C., 34 vjeç, banues në Dushk, për veprat penale “Prodhimi dhe shitja e narkotikëve” dhe “Trafikimi i lëndëve narkotike”
Policia thotë se në vendin e quajtur “Rrethrrotullimi i Plugut”, 34-vjeçari, duke drejtuar automjetin tip “Opel” është kapur me 210 fara kanabisi me vete, të cilat i kishte bërë gati dhe dyshohet se do t’ia shiste shtetasve E. C., 33 vjeç dhe E. B., 34 vjeç, banues në Tiranë.
Në vijim të veprimeve hetimore, u proceduan penalisht edhe shtetasit E. C., dhe E. B., për veprën penale “Prodhimi dhe shitja e narkotikëve”.
Materialet i kaluan Prokurorisë pranë Gjykatës së Shkallës së Parë Lushnjë për veprime të mëtejshme
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.