.png)
Një person është arrestuar për armëmbajtje pa leje gjatë aksionit policor të zhvilluar në Fier nga forcat speciale RENEA. Në pranga ka rënë 27-vjeçari Indrit Hoxhaj (Kuçi), person me precedent kriminal në fushën e krimeve kundër jetës, drogës e armëmbajtjes pa leje.
I riu është kapur në lagjen “Fermë-Çlirim”, në ambientet e një lokali, ku gjatë kontrollit, 27-vjeçari, sapo ka parë forcat e policisë ka hedhur nga dritarja e lokalit çantën e dorës brenda së cilës mbante një armë zjarri pistoletë.
Gjatë këqyrjes së çantës, policia gjeti në brendësi të saj armën e zjarrit pistoletë me dy karikatorë me fishekë luftarakë dhe kartën e identitetit të të riut.
Kontrollet nga Forcat Speciale RENEA, Forca e Posaçme Operacionale në Drejtorinë e Përgjithshme të Policisë së Shtetit dhe strukturat e DVP, po bëhen në shumë qytete për kapjen e personave të rrezikshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
