.png)
Policia e Fierit ka arrestuar pronarin e pikës së gazit pas shpërthimit të fuqishëm të një dite më parë, ku si pasojë disa banesa pësuan dëme të mëdha.
Policia thotë se në pranga është vënë shtetasi me inicialet S. M., 62 vjeç, banues në Fier.
Siç njofton policia, arrestimi i këtij shtetasi u bë pasi në pikën e furnizimit me gaz të automjeteve në fshatin Portëz, në Fier, në pronësi të këtij shtetasi, ka rënë zjarr dhe si pasojë ka pasur shpërthim, ku janë dëmtuar banesa e godina përreth.
Banorët treguan për mediat se shpërthimi i pikës së gazit ka qenë i fuqishëm, por fatmirësisht nuk ka pasur të lënduar në njerëz.
Materialet i kaluan Prokurorisë Pranë Gjykatës së Shkallës së parë Fier, për veprime të mëtejshme për veprën penale “Shkelje e rregullave mbi lëndët plasëse djegëse dhe radioaktive” dhe “Shkelja e rregullave të mbrojtjes në punë” e mbetur në tentativë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
