Lokomotiv Plovdiv fitoi Kupën e Bullgarisë, por në fushë ishte një lojtar i infektuar nga Covid. Pas ndeshjes, skuadra shkoi të festonte me disa tifozë në një klub nate. Rezultati? Të paktën 9 lojtarë dhe 50 tifozë të infektuar.
Të nëntë lojtarë e Lokomotiv Plovdiv e tifozët e infektuar ishin pjesëmarrës në festimet për triumfin në Kupën e Bullgarisë në Plovdiv. Lajmin e ka konfirmuar vetë klubi i Plovdiv.
Duke parë situatën e krijuar, Federata me urgjencë vendosi të dekretonte mbylljen e dyerve të stadiumeve për evituar një shpërthim tjetër masiv. Masat më pas janë ashpërsuar nga qeveria bullgare e cila ka vendosur që të ndalë edhe festat e fundvitit shkollor e të mbyllë lokalet e natës, meqë numri i infeksioneve është rritur në mënyrë drastike në javën e fundit në vend.
Drejtori i drejtorisë rajonale të Ministrisë së Punëve të Brendshme ka ftuar kryebashkiakët e guvernatorët rajonalë të limitojnë të gjithë eventet masive për shkak të rritjes drastike të numrit të personave të infektuar nga Covid-19 në Bullgari.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.