Nga Gazeta 'SI' - Ndonëse situata energjetike u përmirësua ndjeshëm gjatë 2023-shit, përballueshmëria e saj për familjet shqiptare u përkeqësua.
Raporti i fundit i Entit Rregullator të Energjisë tregon se abonentët familjarë rritën konsumin energjetik me 10 mijë megavat nga 2022-shi, duke e çuar në 3.11 mln në total. Po ashtu shifrat flasin për 20 mijë abonentë të rinj.
![](https://gazetasi.al/wp-content/uploads/2024/04/WhatsApp-Image-2024-04-19-at-12.32.08.jpeg)
Por, kjo nuk është përkthyer në rritje të ardhurash për OSHEE që ka arkëtuar njësoj sa në 2022-shin, 80.4 mld lekë, madje është rritur stoku i borxheve. Në fund të 2023-shit abonentët familjarë i detyroheshin Shpërndarësit të energjisë 45.5 mld leku të papaguara. Në rritje është edhe borxhi i institucioneve buxhetore dhe privatit.
ERE raporton se gjatë vitit të shkuar, prodhimi i energjisë arriti një rekord të ri, 8.8 mijë gigavat, 60% të së cilës e prodhoi kaskada e Drinit. 58.4 mijë megavat u prodhuan nga centralet fotovoltaike.
Situata energjetike u përmirësua pas krizës së fortë në 2022-shin, kur qeveria konsideroi vendosjen e një fashe energjetike.
![](https://gazetasi.al/wp-content/uploads/2024/04/WhatsApp-Image-2024-04-19-at-12.33.44.jpeg)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.