.png)
Nëse mendoni se organet tona të brendshme janë të afta vetëm për të marrë frymë, për të lëvizur dhe për të përpunuar ushqimin, do ta ndryshoni plotësisht opinionin tuaj pasi ta keni lexuar këtë artikull. Për shembull, a e dini se acidi i stomakut është mjaft i fortë aq sa mund të shkrijë disa lloje metalesh? Dhe kjo nuk është gjithçka... Çdo organ njerëzor ka një super-fuqi të vetën. Brigat Side bëri disa kërkime dhe zbuloi disa fakte mbresëlënëse rreth trupit të njeriut.
Zemra
Le të fillojmë me pjesën më të rëndësishme të trupit: Zemra krijon presion të mjaftueshëm për të shtyrë gjakun deri në 30 metra lartësi, që është pothuajse aq i lartë sa një ndërtesë mesatare 3-katëshe. Çdo ditë zemra pompon rreth 2000 litra gjak. Vetëm imagjinoni, 2000 litra gjak, çdo ditë, ajo pompon më shumë se 700.000 litra një vit.
Mëlçia
Mëlçia është organ shumë i rëndësishëm. Sipas shkencëtarëve, ky organ filtrues kryen më shumë se 100 funksione. Një mëlçi mund të trajtojë dëme shumë të rënda. Ajo në thelb mund të rigjenerojë vetveten, gjithçka që i duhet është 25% e indeve origjinale. Grekët e lashtë besonin se mëlçia ruan të gjitha emocionet njerëzore.
Mushkëritë
Mushkëritë janë aq të lehta sa ato mund të notojnë në sipërfaqen e ujit. Çdo ditë rreth 10,000 litra ajër kalojnë nëpër mushkëritë tona. Mushkëritë kanë receptorë shijeje që janë në gjendje të zbulojnë ndjesinë e të hidhurës. Mushkëritë luajnë një rol të rëndësishëm kur bëhet fjalë për të folur apo edhe për të lëshuar tingujt.
Veshkat
Funksioni kryesor i veshkave është pastrimi i gjakut. Çdo veshkë ka të paktën një milion dhe deri në 2 milionë filtra të posaçëm të vegjël, të quajtur nefrone. Ne nuk kemi nevojë për 2 veshka, gjysma e tyre mund të bëjë po aq mirë. Nëse një fëmijë lind me vetëm një veshkë, ajo do të rritet në peshën e dy veshkave të kombinuara.
Fshikëza
Pas nxjerrjes së urinës nga veshkat, urina ruhet në fshikëz. Ky organ duket si një qese e zbrazët. Vëllimi i urinës që një fshikëz i njeriut mund të mbajë është diku rreth 1 kg. Fshikëza e një të rrituri duket si një dardhë në drejtim të madhësisë dhe formës.
Zorrët e vogla
Zorrët e vogla kanë marrë emrin për shkak të gjerësisë së tyre, pasi në fakt janë organi më i madh i brendshëm në trupin e njeriut. Zorra e vogël është rreth 20 metra e gjatë. Ajo përmban rreth një kilogram baktere. Interesante është se japonezët kanë mikrobe unikë të zorrëve të tyre, të cilat i ndihmojnë për të përpunuar më shpejt algat e detit
Stomaku
Stomaku ka mjaft kapacitet magazinimi dhe mund të ndryshojë vëllimin e tij nga 1 litër në 4 litra, në varësi të asaj se sa është e plotë. Acidi i tij është aq i fortë sa që mund të shpërbëjë jo vetëm darkën tuaj, por edhe disa lloje metalesh. Për të mbrojtur vetveten nga vetë-tretja, stomaku ka disa shtresa, secili prej tyre luan një rol kritik dhe çdo 2 javë shtresa e vogël e rreshtit regjenerohet krejtësisht. Në stomak bosh, aciditeti i lëngjeve të stomakut është aq i lartë saqë mund të shpërbëjë plastikën sintetike.
Truri
Truri është ndoshta i vetmi organ, funksioni i të cilit mbetet një mister ende jo plotësisht i zbuluar. Ai përmban rreth 100 miliardë neurone. Truri nuk ka receptorët e dhimbjes, me fjalë të tjera, mund të interpretojë sinjale të dhimbjes, por nuk mund të ndiejë dhimbje. Truri ka një kujtesë prej rreth 100 terabajtësh që e bën atë një super kompjuter të ditëve të sotme. Për fat të keq, mendimi se ne përdorim vetëm një pjesë të vogël të aftësisë së tij është vetëm një mit, ne i përdorim të gjitha skutat e trurit, madje në të vërtetë përdorim rreth 10% të tij edhe kur flemë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
