.png)
Gjigandi i mediave sociale Facebook ka rënë dakord të paguajë më shumë se 100 milionë euro për t'i dhënë fund një mosmarrëveshjeje mashtrimi fiskal, kanë thanë autoritetet italiane të taksave.
Italia ka tërhequr tashmë marrëveshje të ngjashme nga Amazon, Apple dhe Google, duke u bashkuar me fqinjët e BE duke kërkuar një taksë më të madhe nga multinacionalët më parë të aftë të përdorin zbrazëtirat, duke lejuar rezervimin e fitimeve në vendet me regjime më të favorshme tatimore.
Marrëveshja ka për qëllim "të përfundojë mosmarrëveshjet në lidhje me hetimet tatimore të ndërmarra nga policia financiare me urdhër të prokurorit të Milanos për periudhën 2010-2016," tha autoriteti i taksave i Italisë në një deklaratë.
“Me këtë marrëveshje ‘Facebook Itali’ mbyll mosmarrëveshjet në lidhje me hetimet fiskale të kryera nga ‘Guardia di Finanza’ dhe të koordinuara nga Prokuroria e Republikës së Milanos, për periudhën mes 2010-2016 ku do të paguajë më shumë se 100 milionë euro”, sipas një deklarate të Agjencisë.
“Jemi duke vepruar sipas ligjeve lokale në Itali dhe në të gjitha vendet ku operojnë dhe do të vazhdojmë të bashkëpunojmë me të gjitha autoritetet italian. Jemi krenarë për angazhimin tonë drejt Italisë në mbështetje të rritjes së sipërmarrjeve lokale dhe të ekosistemit dixhital në përgjithësi”, komenton një zëdhënës i “Facebook”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
