Në sajë të operacionit policor “Vjeshta”, Policia e Vlorës ka goditur një rast të përdorimit të kartëmonedhave false.
Si rezultat i këtij operacioni, është vënë në pranga 30-vjeçari me inicialet G. M, i dyshuar si posedues i tyre.
Siç njofton policia, autori është kapur pranë lagjes “29 Nëntori” në Vlorë për përdorim të kartëmonedhave false në një aktivitet privat.
Nga kontrolli i ushtruar në këtë aktivitet, policia ka gjetur të fshehura 750 euro, të dyshuara si të falsifikuara, të cilat u sekuestruan në cilësinë e provës materiale.
Materialet iu referuan Prokurorisë në ngarkim të këtij shtetasi, për veprën penale “Falsifikimi i monedhave”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.