Nga Gazeta ‘Si’-Euro nuk arrin ta marrë veten dhe të krijojë qëndrueshmëri në tregun e brendshëm.
Monedha europiane e mbylli sërish javën në rënie.
Ditën e djeshme (e premte, 29 shtator) një euro u këmbye me 106 lekë, duke rënë me 0.10 pikë kundrejt një dite më parë.
Euro, shoqëruar edhe nga monedhat e tjera të huaja, patën një javë korrigjimi dhe po rifitonin pikë ndaj lekut, por kjo nuk zgjati.
Dollari amerikan u tregua në kufirin e 100 lekëve me një rënie prej 0.90 pikësh. Edhe paundi britanik ra me 0.49 pikë duke u këmbyer me 123.13 lekë.
Në korrik, euro preku kufirin e 1=100 lekëve, por gushti, që ka edhe më shumë fluks turistësh, e përmirësoi. Turizmi përmendet si faktor kryesor i zhvlerësimit të monedhës europiane, por rritjet e shpeshta të euros brenda pak ditëve e vënë në dyshim këtë argument.
Ekspertë të fushës kanë folur për spekulim të qëllimshëm të kursit të këmbimit dhe për masë të parasë informale.
Për ekspertët e BSH-së, ky është kursi i ri i këmbimit dhe nuk ka gjasa që të rikthehet në nivelet e mëparshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.