Euro digjitale do të ketë fillimisht rol të kufizuar

15:42 - 14 Shtator 2021

Euro digjitale e cila është në procesin e krijimit nga Banka Qendrore Europiane, duhet të ketë fillimisht një rol të kufizuar pasi mund të jetë shkak i çrregullimit të sektorit financiar, tha Presidenti i Bundesbank, Jens Weidmann.

“Qasja e euros digjitale duhet të ndodhë hap pas hapi dhe më vonë mund të shtohen funksionalitet të tjera”.

Banka Qendrore Europiane i dha dritë jeshile euros digjitale në fillim të kësaj vere, por ajo mund të kërkojë 5 vite punë deri sa të bëhet funksionale.

Pasi Banka deklaroi se do ti duhet një testim dy vjeçar që do të shqyrtojë “çështjet kryesore në lidhje me hartimin dhe shpërndarjen” e euros digjitale dhe do të analizojë ndikimin e saj të mundshëm në treg. Dhe pas kësaj, do të përpiqet të fillojë zhvillimin e euros digjitale, një proces që “mund të zgjasë rreth tre vjet”.

Ndër shqetësimet e tij kryesore, Weidmann argumentoi se në kohë krize, konsumatorët mund të nxitojnë të konvertojnë depozitat e tyre bankare në para të bankës qendrore, duke destabilizuar sistemin financiar pasi tërheqin paranë konvencioanle, një burim kryesor financimi.

Burimi: Reuters/ Përshtati: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.