Nga Gazeta ‘SI’ - Stoku i depozitave ra përsëri gjatë muajit korrik duke u ulur në vlerën e 1.23 trilion lekëve, shifra më e ulët në një vit. Nga qershori në korrik shuma e “humbur” rezulton mbi 14 mld lekë.
Sigurisht një pjesë e madhe e këtyre parave janë zhdukur si pasojë e zhvlerësimit të euros, monedhë që dominon depozitat, të cilat në raportimin në lekë, rezultojnë më pak. Një arsye tjetër e rënies së stokut mund të jetë edhe tërheqja e parave nga depozituesit.
Depozitat në valutë kanë rënë me 1.8% në raport mujor, me rreth 12 mld lekë. Ato në lekë kanë rënë me 0.3%, rreth 2 mld lekë.
Tendenca e rënies së depozitave nisi në shkurt të këtij viti dhe nuk ka ndalur, për më tepër është intensifikuar, në sinkron kjo edhe me kursin e këmbimit. Rënia e korrikut është më e forta që nga koha e pandemisë. Në korrik, euro iu afrua kufirit të 100 lekëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.