.png)
Gazeta Si – Java e 23-të e Superiores luajti sot dy ndeshjet e fundit të saj, ku Tirana barazoi 1-1 me Erzenin, kurse Skënderbeu mundi 1-0 Kukësin. Kryeqytetasit kanë humbur 2 pikë të çmuara në një ndeshje që e kanë dominuar.
Tirana pati disa raste për shënim, por shpëtimtar u bë portieri Hasanbelli. Zeka heshti stadiumin ‘Air Albania’, duke shënuar golin e parë për Erzenin në minutën e 75-të. Skuadra e Ahmatajt barazoi me Abazajn, i cili devijoi me kokë një kros të Hoxhallarit. Pas këtij barazimi, Tirana mban vendin e 4-t me 34 pikë.
Skënderbeu mundi 1-0 Kukësin në Korçë, falë një goli të Rashicës, por vëmendjen pas kësaj ndeshjeje e mori një problem shëndetësor për dy futbollistë, Randi Dumfur i Skënderbeut dhe Kleandro Lleshi i Kukësit.
Që të dy këta lojtarë patën ethe dhe të dridhura pas ndeshjes. Stafet mjekësore në dhomat e zhveshjes u dhanë ndihmën e parë, më pas të dy u dërguan me autoambulancë në spitalin e Korçës. Kjo gjendje e lojtarë është shkaktuar nga temperaturat e ulëta, në të cilat u luajt ndeshja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
