.png)
Gazeta Si – Ernest Muçi shënoi për Legian në ndeshjen e parë ndaj Austrisë së Vjenës, duke mbajtur gjallë shpresat e kualifikimit në Ligën e Konferencës. Mbrëmjen e sotme ishte sërish sulmuesi i Kombëtares ai që i fali kualifikimin skuadrës polake.
Muçi e nisi nga stoli ndeshjen e sotme në Austri, që pati një fund dramatik. Polakët po fitonin 3-4 dhe gjithçka do të shkonte me shtesa, pasi ndeshja e parë ishte situar 1-2 nga Austria e Vjenës, por Muçi ua bëri më të lehtë jetën shokëve të skuadrës.
Me një veprim shumë të bukur teknik, sulmuesi kuqezi realizoi golin e 5-të për Legian në minutën e 100-të. Një gol që vlen kalimin në ‘Play-off”. Ish-lojtari i Tiranës uli topin me mjeshtëri dhe pastaj goditi saktë, duke shtangur austriakët. Një moment shumë i mirë ky për Muçin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
