.png)
Presidenti turk, Recep Tayyip Erdogan i tha homologut iranian, Ebrahim Raisi se Turqia është e gatshme të negocioje si garantues në mënyrë që të ndihmojë në zgjidhjen e luftës Izrael-Hamas.
Dyshja u takuan në samitin e Organizatës së Bashkëpunimit Ekonomik në kryeqytetin e Uzbekistanit Tashkent, sipas zyrës së presidencës turke.
Erdogan është pozicionuar kundër Izraelit gjatë gjithë këtij konflikti, duke e etiketuar atë si pushtues dhe duke thënë se Hamasi nuk është një organizatë terroriste, raporton agjencia e lajmeve Tass.
Irani është mbështetësi më i madh i grupit militant Hamas, që ka ofruar armë dhe trajnim për luftëtarët e tij në vitet e mëparshme, megjithëse nuk ka pasur asnjë sugjerim ndërkombëtar se Teherani ishte i përfshirë drejtpërdrejt në sulmet e 7 tetorit ndaj Izraelit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
