.png)
Jo vetëm PD por edhe PS është futur ethshëm në negociatat për hartimin e listës së deputetëve.
Kohët e fundit është vënë re një shpeshtim i kontakteve të PS-së me deputetët që i “kursyen” për çdo ligj e marrëveshje zgjedhore që socialistëve u shkoi për shtat.
Më herët është raportuar se deputetja e Dibrës, Reme Lala, që katër vitet e fundit përfaqësoi PDIU në Kuvend do të garojë këto zgjedhje në listën e PS për qarkun e Tiranës.
Reme Lala mësohet se ka marrë pjesë edhe në mbledhjen e kandidatëve për deputet të qarkut Tiranë.
Një tjetër emër deputeti, Edmond Rrushi që hyri në parlament nga listat e LSI është konfirmuar se do të ketë një vend në listën e PS.
Listës së PS-së do t’i bashkohet edhe deputeti tjetër i LSI, Ylli Shehu.
Ndërkohë “TCH” raportoi se krahas emrave të mësipërm, PS është në negociata edhe me dy deputetë nga Grupi Parlamentar Demokrat konkretisht; Alban Zeneli dhe Halit Valteri.
Ndërkohë, fenomeni i kalimit të deputetëve nga një parti në tjetrën nuk pritet të mbarojë me këto emra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
