Një ngjarje e rëndë është raportuar nga Qarku i Elbasanit. Djali i një çifti që ka biznese në qytetin e Përrenjasit është gjetur i pajetë në masivin pyjor të Stravajt.
Mësohet se 28-vjeçari Flori Albrahimi pasditen e kësaj të hëne është gjetur i vetëvarur në pyll rreth 300 metra larg banesës së dajës së tij, ku kishte shkuar mysafir në fundjavë.
Ai ishte baba i një foshnje 6-muajshe dhe jetonte në kushte shumë të mira në qytetin e Përrenjasit. Mbetet mister shkaku i vetëflijimit të tij.
Më herët, po në Qarkun e Elbasanit i dha fund jetës një biznesmen i njohur.
Biznesmeni Tan Sanço, i cili ishte pronari i një exchange në qytetin e Elbasanit u gjet i vetëvarur në banesë. Ngjarja ka ndodhur në një nga lagjet në afërsi të qytetit të Elbasanit. Nuk janë të qarta rrethanat që e kanë çuar biznesmenin e njohur drejt vetëflijimit.
Biznesmeni është gjetur i pajetë nga familjarët dhe dyshohet se ishte vetëmbytur me kabullin e antenës së televizorit, të cilin e kishte lidhur me lak në mënyrë të trefishtë në tavanin e banjos.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.